Halasgärligiň başlanýan ýeri
Internetde "Ene dilim" kitaphanasyny döredenlere bagyşlanýar.
Halas etmän bilersiň sen adamy,
hatda ýakynyň-da bolsa,
sebäbi bu aňsat iş däl,
ýa bagly däl diňe halas etjege,
adam örän çylşyyrmly,
çylşyrymly ykbaly-da adamyň,
üstesine durmuş, gaýly-tupanly,
emma halas edip bolýar isleseň eger
bir kitabyn, ikisin ýa onusyn,
aljyran milletiň ýitirjek ertir,
zir-zibile taşlanyp ýa
nas satana guýguç bolup,
bardygam bilinmän, belki,
munuň üçin millet derdine ýanýan
ogul bolmaly ilki.