Adam seniň obadaşyň

Adam seniň obadaşyň, ildeşiň,
kärdeşiň kär diýseler ýa,
ýa ýoldaşyň uzak ýolda,
pikirdeşiň göräýmäge,
ýa-da şeýle bolmaly,
sebäp gowy görýär adam hukugyn,
kada-kanun tarapdary dilinde,
goragçysy adalatyň,
emma jedel gyzsa çala,
goldaýar ol Stalini, Lenini,
diýýär gyrylmadyk bolsa,
ýüz müňläp ýa milýon ynsan,
baş bermezdi basmaçylar,
gurulmazdy Sowetistan;
goldaýar ol Dimany hem Wowany,
jedelde basylsa, gygyrýar çasly,
beýniňden öň harap gulagyň haly,
gaçýarsyň pyşyrdap aman, tobaňy,
adam seniň tiredeşiň,
emma bilýäň - başarsa,
bolmak üçin Wowa ýaly,
ýere sokjak obaňy.

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019