Ynanmasaň

Ynanmasaň, ynjamarsyň,
hala dogan bolsun, hala-da dostuň,
ýat-keseki, çala tanyş, pikirdeş,
garaşmasaň oňlulyga,
haýry, şeri özüňe çen kiçeldip,
tamakin bolmasaň eger,
ýa bolmasaň umydygär,
ynan şuňa, agyrmarsyň beýle kän,
ýa-da bagyşlarsyň, unudarsyň tiz,
göwnüňe ýa buýsanjyňa degeni,
bilip ýa-da bilmän, ýa bolup bilşi,
guwanmasaň, ynjamarsyň,
belki, ýalňyş garaşmakda, tamada,
agtarmakda öňýetenden egindeş,
imrinmeseň, walla, agyrtmaz adam.