Arman

O betbagtyň bagtygara,
açgözlügi owarram,
gözi doýman mal-dünýeden,
çagalaryň, ýetim-ýesir, dul hatyn
hakyny iýýäni durman,
üstesine oýnatgy,
kim diýseler – ynanýan,
tanamaýan öz-özüni,
tanamaýan özgäni,
näme bolsa, şol bolsun,
emma jähenneme giden
ýeke gitmeýär hergiz,
käte alyp gidýär ýüz müň, milýony,
ýany bilen, eý, aman,
o betbagtyň bagtygara,
öz-özüni ýok edeni owarram,
bizi hem ýok edýär arman.