Ezijiniň bilimi

Halky tabyn etmek üçin,
dogry edip bilmeseň,
düzüw ýola salmasaň,
aç it edip saklamaly,
ogry etmeli hökman,
tutar ýaly islän wagtyň,
urar ýaly taýaklap,
ýesir eder ýaly ogul-gyzyny,
tabyn bolar şondan soň ol,
para berer her ädimde,
hatda öz agzyndan kesip,
hem ýalbarar: "Jan agam,
geç ganymy bir çemçe!"
Halky tabyn etmek üçin
etmek üçin aýagasty,
görmeli däl hiç kimçe,
sapagy bu asyrlaryň ,
başagaý etmeli ony,
saklamaly aç, alaçsyz,
halkyny gul edenleriň
tas hemmesi bilýär muny.