Başarsaň

Sen durmuşyň käsesi bol başarsaň,
şakäsesi, elbetde.
Gapjyk bolma pul salynýan,
hatda baýyň jübüsinde,
ýa beg çykan garybyň,
degişende döwür-döwran,
sandyk bolma altyn-kümüş,
zer gizlenýän halal-haram,
käsesi bol durmuşyň sen,
iň bolmanda kinniwanja,
hemem her gün çäýneginden bir damja
paýhas damdyr,
akyl damdyr içiňe,
hapa-sapa damdyrma,
hem aldama özüňi
zer çaýdyryp daşyňa,
sen durmuşyň käsesi bol başarsaň,
hemem dolup-daşyp bir gün,
erňegiňden daşyna
akyl çogdur azajyk,
paýhas çogdur azajyk,
çogdurma hiç bolar-bolmaz,
bizar eden sensizem kän,
ýa ýadadan närsäni,
sen durmuşyň paýhasy bol başarsaň,
artsyn ýerde bolman ýeke är sany.