Surat

Uzakdan sögme

If you can’t save people, at least don’t hate them. Dunya Mikhail

Adamlary halas etmek aňsat däl,
gark bolsa, elini uzatman suwdan,
ýa çukura gaçsa, düýbi görünmez,
hem aşakdan gygyrmasa,
ýa gygyrsa, eşitmeseň sesini,
ýa eşidip elde ýüpüň,
ýa-da merdiwanyň bolmasa uzyn,
ýa wagtyň bolmasa olara asla,
öz işiň başyňdan agdyk,
ýa-da bolan bolsaň dagdy...

Adamlary halas etmek oýun däl,
sebäp her kim halas boljak bolmaly,
batga batsa, dyzamaly daşyna,
ýa düşürjek bolmaly
çommalany başyna,
arman adam çylşyrymly,
käte islemeýär halas bolmagy,
ýa islänin etmeýär ol,
çekilýär törüne çukuryň, gabryň,
ýa üstünde oturanyň
ýumşak ýerin sypalaýar,
çümmüklemek ýerine,
aman galjak ýaly el çarpýar irmän,
goja dünýäň haýryna däl, şerine.

Adamlary halas etmek aňsat däl,
belki-de at dakmak aňsat,
daşyndan bilmän ýagdaýyn,
özüň boşap duzakdan,
adamlara el uzatman bilersiň,
emma sögme uzakdan?!

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019