Surat

Alla hem adam

"Alla hemmesini görýär" diýýärler,
emma muňa ynanýan ýok,
ýa ynanýar köp ogurlan, köp azan
geçirjegne allanyň,
sebäbi ol geçirimli,
deň bolmaýar adam bilen,
azan bilen hiç haçan,
meger şondan aýdylypdyr:
’Alla’ diýer her gaçan,
hem kowalan yzyndan,
diýmek, olam tomaşaçy biz ýaly,
hem gaçanyň tarapynda,
hem kowanyň tarapynda,
hemem oňa hiç parhy ýok -
gutulanyň, tutulanyň,
ýa-da karam oýnanyň kän,
ýa-da haka ynananyň ýaşlykdan,
hemem soňsuz utulanyň.

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019