Adam aýtdy

Adam aýtdy: "Meniň kän
akylym ýok artykmaç,
saga-sola seçer ýaly,
emma beýle gömügem däl, bilýärin
bir eliňde saklap adam hukugyn,
beýlekisi bilen ogry-jümriniň,
öz ilini talap gelen,
ýa-da talan başgalary,
ýa ýalançy, kezzabyň
başyny sypaýan bolsaň,
saňa kimse ynanmaz,
ýa ynanar hapa işi bitýänçä,
wagtlaýyn, kiçi dilden, elbetde,
halallyk hakynda,
halk hakynda,
hak hakynda ýadaman
gürläp bolar tä ertirden agşama,
ýöne onuň netijesi
şu gelen ýerimiz bolsa,
ýa-da ähli ynam, iman
dirän bolsa diňe pula,
nämä gerek bu gürrüňler,
aýdylan bu ozal-öňden:
"Bula-bula, ber gula!"

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019