Esasy problema

Eger problema diňe problema bolsady,
belki ony çözýänler çözerdiler bireýýäm,
ýa-da azaldardylar,
ýeňlederdiler iliň
gün-günden agralýan ýüküni, derdin,
il-gün alkyşlardy el çarpyp çyndan,
problema çözýän merdin.

Eger problema diňe problema bolsady,
ony çözýän, çözjek bolýan,
ýa-da çözýänden bolýan
at edinip münýän ir säher, agşam
problema bolmasady problemadan beter,
problema çözmegi pişe edinip ýeser,
belki ony çözýänler,
ýa-da çözjek bolýanlar
ýüreginden, bagryndan
bireýýäm bar problema-çyrçygy
asardylar dar agaçdan,
ýa-da salardylar türmä,
gapysynda ýazylan
"Problema" diýip uly,
şeýdip problema yza teserdi,
azalardy iň bolman,
emma problema köpelýär barha,
iki-ýeke problema çözjegiň
azap-yhlasyny ýüzüne alman...