Ýardan ýananyň ýaňsysy
Çagalaryny eklemek üçin ýurtdan çykan gelniň neşekeş äriniň gapysynda galdyran ýazgysy.
Oňa maşyn, uçar beriň,
Barjak ýerne ýetsin basym.
Ähli gapa açar beriň,
Açsyn atan ýaly nasyn.
Gerek, köpri gurup beriň,
Derýalardan geçer ýaly.
Gerek, guýy gazyp beriň,
Sowuk suwun içer ýaly.
Ýelpäň ýüzün, görmäň zähmet,
Yssydan kemmesin güýji.
Döwlet däl, dörediň jennet,
Ýaşar ýaly soňsuz, süýji.
Ysnat, sansyz diýmäň eger,
Çöpi çöpe atmasa-da.
Ol gün geler, çykar ol är,
Içmän, çekmän ýatmasa-da.
Goldaň, diýiň galmaz ýatyp,
Dikeler, galkynar, galar.
Ölmez gözel ýurdy satyp,
Satylanyn yza alar.
Çeýnäp beriň, iýip beriň,
Daýansyn hem bolsun sesli.
Belki ýaryn söýüp beriň,
Okap-öser ýaly nesli...
Virginia
()