Diwar

Sen diwara surat çekseň owadan,
Diwar duýmaz onuň görkün-görmegin.
Sen diwara surat çekseň betgelşik,
Diwar syzmaz onuň kirli dyrnagyn.

Sen diwara içiň dökseň çydaman,
Diwar saňa duýgudaşlyk bildirmez.
Sen diwara bol ýa bolma betgüman,
Diwar gelip halas etmez, öldürmez.

Sen diwara arka berip irkilseň,
Ýa düýbünde ýatsaň surnugyp, ýadap,
Diwar seni gorar ýelden, epgekden,
Ýa-da basar, daşa ýetirmän dadyň...