Hakyň diwary

Men bir garyş ýyksam hakyň diwaryn,
daşlaryny alyp gitsem öýüme,
ýa-da salsam "ýykma-pylan" diýenden,
elime ilen zady;
sen bir garyş ýyksaň hakyň diwaryn,
kerpiçlerin alyp gitseň öýüňe,
(jaý gereg-ä adam bolana ady);
ol bir garyş ýyksa hakyň diwaryn,
demir çybyk bilen ursa saklany,
hemem diýse "Barmy eşitjek dadyň?.."
Näme bolar, gardaşym?
Menem bilýän, senem bilýärsiň muny,
ol-da biler gümansyz,
çalaja garansa töwerek-daşyn.