Her kim
Emelsiz parodiýaça
Her kim gözi bilen seredýär dünýä,
Ýöne neti bilen görýär ol ony.
Agaçlar owadan baş atýar ýele,
Biri saýa, biri görýär oduny.
Her kim göwni bilen seredýär dünýä,
Ýöne päli bilen görýär ol ony.
Suwlar pese tarap yňdarlyp barýa,
Kim içjek, kim itjek dosty-ýaryny.
Her kim ýürek bilen bakýar daşyna,
Az däl geçip gidýän dag-düzi görmän.
Men pejiň gürrüňin etdim gyşyna,
Sen dünýäni ýakar öýdüpsiň, arman.
Noýabr, 2008