Surat

Ullakan çaga

Çagalar oýnaýar, uly oýnaýar,
dogry, soňky az oýnaýar,
emma siňe seretseň,
oýun dünýe durşuna,
ömür oýun, ölüm oýun,
a adamzat humarbaz,
goýýar ol humara başyn,
uzak-uzak ýyllaryn,
men indi çaga däl diýip,
gara çyny bilen oýnaýar ýatman,
uludan-ullakan utuş yşgynda,
utsa, utulanyň hakyny iýip,
utulsa, elbetde, agyr,
kim türmede ýitýär,
kimse kögşünde,
galýar wagtyň aşagynda,
sebäp wagty saklamýar,
gowşatmaýar hiç bir ýazgy,
"Çagalar oýnaýar!" hatda,
çagalar oýnasa - bilýär düzgüni,
emma oýna gyzsa ullakan çaga,
düzgün näme, kanun näme, il näme,
hiç haýsysyn saklap bilmeýär ýatda.

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019