Kilim bolmak meselesi

Dogry, her zat bolup biler durmuşda,
emma seniň özüň yrza bolmasaň,
ýa dymmasaň balyk ýaly,
başga birniň gürlärine garaşyp,
hiç kim seni meýletin ýa göwünjeň,
ýa mejbury basgançak,
aýagasty kilim edinip bilmez,
ýa-da eger aýakgaply palçyga,
hemem başga hapa basan köçede,
üstüňden arkaýyn geçýän bolsalar,
hem müýni, utanjy ýa-da haýasy
bolmasa basýanyň ýüzüňi aşak,
özüň günäkärsiň azajyk ýa kän,
ýa güýlensiň goýun ýaly göwnüňi,
ýa-da öz dyzyňdan salansyň duşak.