Iň beýik hata

Ene ýaly, dokuz aý
göwresinde göterýän,
a soň bir gün dogurýan,
mähir berýän çagasyna,
ajyganda emdirýän,
aşagyny argylaýan,
suwa düşürýän, ýuwýan,
a daşarda uruş-gowga,
ha ýakynda, hala daşda,
men-men diýen ärleri
ýaralaýan, öldürýän,
ýa darkaşy mal-dünýäň,
ok-ýaragsyz, kagyzda,
hasaplarda has akylly,
öwrümlerde emelli,
aýlawlarda at ýaly,
söze münüp çapmaly,
emma hemme enäni däl,
az sanlysyn güldürýän,
baý, mes edýän müňlerçäni,
ýüz milýony ollmez-gülmez,
garyp edýän ýüz ýyllap,
soňy gelmeýän gowga,
adamzadyň gelen ýeri,
gaýdan ýeri, belki-de,
emmaki sen ene ýaly,
çagasyna mähir berýän,
gahar bermeýän asla,
başga zady bolmasa,
bir naýynjar ýylgyrýan,
hem ýüregin tutup ölýän;
ata ýaly gaý-tupanda
deňze çykýan her günde,
balyk tutýan başyn etegne salyp,
hem öýüne getirýän,
sebäbi atalyk şu -
aýalyňy aç etme,
aç etme çagalaryň,
el serdirme hiç kimsä,
öz işiň et, etjek bol,
pese düşme, kim näme
diýsin ýa-da ýaýratsyn,
ene ýaly, halal ene,
ata ýaly, halal ata,
seni dünýä getiren,
bakma gepe, gybata,
ýok hatasyz ýaşaýyş,
hemem hata etmezlik,
belki, iň uly hata!..