Umumy zerurlyk

Umumy zerurlyk, belki,
hakykatçy bolmagy däl hemmäniň,
aýtmagy däl hakykaty ýüz görmän,
mysal üçin, ogry bolsa başbakan,
ogry diýip daşyndan,
ýa ýalançy bolsa ýalançy diýip,
eşitdirip eşitjege, biljege;
umumy zerurlyk, belki,
batyrlyk däl uçdantutma,
meger iki, ýeke ýa üç
dogrusyny aýdany,
aýtjak bolany ýa-da,
bogulanda goramak,
ýykylanda galdyrmak,
ýeňsesinden depilip;
umumy zerurlyk, belki,
şu gün bilen ýaşamak däl ýaýaplap,
emedekläp başbakanyň öňünde,
ogurlyga ökde diýip,
birazajyk bakjak bolmak geljege!