Tobasyz

Adam ateistdi ömür boýuna,
sebäbi başlyklar hudaýsyzdy, hak
ýa-da alla galyndysy geçmişiň,
zyýanlydy ösmek üçin ýokaryk,
emma birden döwran döndi hudaýa,
ateistlik gaçdy modadan hemem
ykrar edildi taňry,
aragy, şeraby itekläp aňry,
ozaly başlyklar tanady ony,
düýnki azgyn, adamhor
bolşewigiň nökeri,
hajy boldy toba etmän...
Hudaýsyzdy adam ömür boýuna,
indi alla ynanýar,
uýýar oňa ýüreginden, ynansaň,
ýöne ozal diňe halky aldardy,
indi haky aldamaga synanýar.