Alla-hudaý ertekisi

Olar bilýär alla-hudaý,
ýa-da Isa ertekisi
garyplar üçin diňe,
tagty asmandan uçan
Suleýman ýa beýlekiler,
jennet, dowzah, ýene näme,
baýlar üçin bir köpük,
ýa-da gülmeli gülki,
şondan olar oýnaýarlar arkaýyn
adam ykbaly bilen,
ýykylýan ýurtlar bilen,
dul hatynlar, ýetim çagalar bilen,
emma olar bilmeýärler bir zady,
alla-hudaý ertekisi,
Isa hemem beýlekiler,
Dawut ýa-da Süleýman,
ýa aýdaly Ybraýym,
bolupdyr ýa bolmandyr,
umyt berýär agyr günde,
hem geçirýär syratdan,
gyldan inçe, gylyçdan
ýiti belki kämahal;
olar bilýär köp zady
talamaly bolanda,
aldamaly bolanda,
öldürmeli bolanda,
emma bilmeýärler asla
nädip aman galmaly,
öz gezegiň gelende?