Dag, bag we taňrydan towakga
"Beýnidäki diwar" depderinden
Bu bir nakyl: dagdan gelen
bagdakyny kowar daşlap,
hem it salyp yzyna,
gaçar eli gabarçakly,
ýa baş egip saklanjak bor,
çöküp her gün dyzyna.
Ýöne bu-da barysy däl,
beteri bar yzynda:
Eýe-habar, işlik, sypat,
sözlem näme bilmeýän
akyl satar ýazmakdan,
eý, alla, bar bolsaň eger,
galan bolsaň gaçyp-tezip,
başyň galdyr bir pursat,
hem ýetişip goraş maňa
gözel ilim tozmakdan?!.