Ejizlik
"Beýnidäki diwar" depderinden
Walla, azda-kände sylasa özün,
ýazylgydyr döwletiň
iň esasy kanunynda,
adam ýa-da adamlaryň topary,
birleşip ýa birleşmän,
öz pikirin başgaça,
hökümetden tapawutly,
aýdyp biler parahat,
diýip biler asuda,
eline daş-kesek alman,
aýna döwmän hiç hili,
ýa-da köçe hereketin baglaman,
sebäp öňden gelýän zat,
çaga emmez aglaman
enesiniň ak göwsün,
emma döwlet sylamasa kanunyn,
ejiz bolsa, pes bolsa ýa,
parahady, asudany depelär,
diýer hemme meni öwsün...