Durmuş seniň ejeň däl
Aeroportda arzan çörekden ýüklenen ýolagçynyň 'beren' goşgusy
Durmuş seniň ejeň däl,
ajygaňda emdirýän,
argylaýan aşagyň,
kakaň däl ol özi geýmän geýdirýän,
agalar däl, däl daýylar, daýzalar,
"jansyz" tutmaýan adyň,
dostlaryň däl, goltugyňdan göterýän,
ýa aýalyň däl durmuş, heleýlände döwletler,
erkek dyrýan, är bolýan,
ýa duşmanyň däl durmuş,
ýalňyşsaň - ýüzüňe öwýän,
ýalňyşmasaň ýazgarýan;
soň düşünýäň oňa neden
aglap gelýär adam ogly,
soň öwrenýär gülmäni,
hem özün, hem ýakynlaryn
gülen bolup aldamany,
emma bilýär durmuş asla
oýun etmez, geçirmez,
bagyşlamaz hiç kimi,
dermanyň däl ol, meger,
derdiň, tapylmaz emi!