Hoşlaşyk goşgusy
I’m not upset that you lied to me, I’m upset that from now on I can’t believe you. Friedrich Nietzsche
Seniň meni goramanyň owarram,
owarram arkamy almanyň çykyp,
agyr günde, ýeke galamda ganym,
agzy ganly hökümetiň öňünde,
ynan, saňa eger-eger,
gahar edemok jinnek,
sebäbi düşünýärin -
çagasy bar her kimiň,
gynanamok indi satanyňa seň,
emma başga zada ýüregim ýanýar:
gorkýan eger islesem-de,
aňlasam-da agyr halyň,
öňkim ýaly gorap bilmerin seni,
ýa gorajak bolmaryn,
oda, suwa urup başym,
bar-ýok diýmän ýoldaşym,
sebäp öňki ýüregim ýok,
hemem bilýän adamy
kiçeldýänin ýagşylygyň,
bilýän agyr, ýeňil bolsun mundan soň,
men-ä seni beýle alada etmen,
seňem meni çekip durmaz göz-gaşyň.