Iň esasy

Iň esasy şahyr bolmasaň eger,
iň esasy goşgulary ýazmasaň,
iň esasy diýilmeli zatlary
iň esasy saýýanlardan öz-özün,
hem owadan, hem kämil,
hemem gaýtalap bolmaz,
gaýtalajak bolmaz ýaly aýtmasaň,
eliňe alma galam;
iň esasy bagşy bolmasaň eger,
iň esasy aýdymlary aýtmasaň,
ýa bolmasaň iň esasy sazanda,
alma eliňe sazy;
ýa bolmasaň iň esasy suratkeş,
iň esasy suratlary çekmeseň,
alma eliňe çotga;
iň esasy adam bolmasaň eger,
iň esasy gitmeliňe gitmeseň,
iň esasy ynanmasaň özüňe,
batmajak bol bu batga!