Sen özüňde ýaşarsyň

Sen özüňde ýaşarsyň,
kim bol eger, parhy ýok.
Gowy bolsaň gowy seň özüň üçin,
erbet bolsaň erbet seň özüň üçin,
aram bolsaň - aralyk,
başga birne baryp ýetýänçäň, meger,
başga birni bagtly edýänçäň, meger,
ýa-da agyrdýançaň agyr ýa ýeňil,
sen özüňi ýaşadýaň ýa öldürýäň,
ýa-da edýäň iki jahan
owarrasy, tentegi;
geçirimli bolsaň, geçirýäň özüň,
bahyl bolsaň, ilki özüňi iýýäň,
sen özüňi özüň ýyladýan közüň,
hemem, meger, ýakan oduňda köýýäň.