Seniň ümsümligiň
“Your silence will not protect you.” Audre Lorde
Seniň ümsümligiň goramaz seni,
goramaz ýuwaşlygyň,
sessizligiň goramaz,
halas etmez beladan,
ulus il bilen, dogry,
ümsümlikde şärigiň,
şärigiň kanagatda,
sabyrda hemem,
seniň ümsümligiň goramaz seni,
tersine içine oklar
gaýnap duran gazanyň,
ogurlygyň odundan,
ýangyjyndan ýalanyň,
hemem edip biljek ýeke-täk zadyň
ýanmak bolar bilip, bilmän,
seniň ümsümligiň goramaz seni,
barybir galmarsyň ölmän.