Aratapawut

Uruşdaky uruşda,
eliňe ýarag alyp,
eli ýaragly duşmanyň,
özüň ýaly ýa birneme
eli, ýaragy güýçli,
öňünden çykmaly bolsaň,
döwletdäki uruşda
döwletbaşyň öňünde,
kgbeli, polisli,
açgöz nökerli müňläp,
ýaragly ýa ýaragsyz,
emma depeläp, basyp,
ýüz müň gezek öldürjek,
puşman etdirjek dünýä
geleniňe ýalňyşyp,
watandaşlaň garşysyna çykmaly;
uruşdaky uruşda,
meger, ölseň - gahryman,
şehit diýer watandaşlar,
dosta-ýara teselli,
emma döwlet urşunda,
ölmeseň-de gurşundan,
ýoluň-ýodaň, taýyn bol,
soňuna çen gysarlar,
hemem gara göripligiň
agajyndan asarlar.