Ýowşan Annagurban

Aýdylmadyk söz

Çekiç bilen sandalyň arasynda ýaşamak
ogry bolup, at münenden gowudyr,
gowudyr ýüzüňe ýylgyrýan, emma
eli gelse, el-aýagyň goparjak,
dostsuraýan duşmanlaryň içinde
bükgüldäp ýaşandan ertir hem agşam,
hak her kime öz ýüküni eçilýär,
hem ojagyn gelse sowukda gagşap,
ýylynmaly ýa-da ýanýan ot ýerne
surata seredip oňmaly hemem
aldamaly özüni;
"Sogan bilen çörek iýen gowudyr,
il malyna dikeniňden gözüňi" -
köp eşdipdim oglanlykda,
ogry bolsaň, a talanan naçarlar
elinden iş gelmän, galsa alaçsyz,
şuny bilýän: diýmese-de daşyndan,
eşidersiň ezileniň içinden
haka sygnyp, aýtjak bolan sözüni.