Surat

Hoşlaşyk haty

Adam hat ýazypdyr:
- Mamladyň, emma
bilmezlige saldym bilip,
möwç alanda karam oýun,
baryp ýanyňda durmak däl,
içdenem almadym boýun.

Hökümet garganda, dogry,
kynam bolsa boýun alýan,
tasdan baryp goşulypdym,
alla saklapdyr bolsa-da,
ýa aýalym saklady,
goýman beýle ýaman ada.

Adam hat ýazypdyr:
- Ýüzbe-ýüz bolup,
tanşan ýerimiz ýok,
bilýänem dälsiň...
Ilkiler umydym bardy,
gürleşerin diýip gelseň,
indi öňki saglygym ýok,
aňýan, uzak gitmerin,
içimde galmasyn ölsem.

Adam hat ýazypdyr,
hoşlaşyk hatyn:
- Bagyşla, içimden ýazgarardym kän,
ýeke çapýar diýip atyn.
Indi bilýän köplük bolup,
ýatyrdyk çagalaň bagtyn...

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019