Gorkmaýanlar
The mob rushes in where individuals fear to tread.” B.F. Skinner, Walden Two
Olar ýalan sahnalaryň bezegi,
sazandasy ýalan bagtyň,
aýdymçysy ýalan tagtyň,
ogurlanan saza goşup,
irmeýärler el çarpyp,
armaýarlar gülmekden,
aglamaly zada oturyp sesli,
ne garrysy utanýar,
ne uýalýar ýaşlary,
ýagyş ýagsyn, ýel tursun,
ýaranara pursat bolsa,
girmeýärler öýe asla,
dälisi ýalan şalygyň,
janly diwar bolup ýolda,
ertir-agşam garaşýarlar,
ýaraşýarlar rola,
men gorkýaryn daşlaryndan
emma gorkmaýar olar.