Ýykylan agaç

Diňe biri bolan bolsa ýalançy,
diňe biri bolan bolsa ogruja,
diňe biri talan bolsa ejizi,
diňe biri görünen bolsa gowja,
etjegini edip, ýykjagyn ýykyp,
arkasyndan urup naçaryň, çagaň,
garrylary gabra çenli entedip,
ulus ili mal deý agyla dykyp,
diňe biri taýagyny galgatsa,
diňe biri söz sözlese, aldatsa,
bir alajy tapylardy, bolardy,
belki, öňün almak, ýolunda durmak,
başardardy synanyşan bäş-üçe,
emma olar köplük boldy çen-çakdan,
hem olary goldaýanlar meýletin,
ýa mejbury, tapawudy az örän,
diňe bir ýel ýykan bolsa agajy,
ýanmasaňam bordy ot alyp, köräp...