Bu göreş

Bu göreş, ganly göreş,
nätdi bizi, Baýramgül?
Ogurlady ýaşlygmyzy,
tüýtdi bizi, Baýramgül!

Ýok, men aglap ýazamok,
ýöne gülkem az munda;
Nädip geçdi otuz ýyl,
dynç alyşsyz bir gün-de?

Bu göreş, ganly göreş,
gör, nije äri iýen?
Öňden, gadymdan gelýär,
ýagy bolýar hak diýen?

Dogry, haky agzaman,
bukulybam galan ýok;
Gidýär dostlar, dost däller,
diýseler-de talaň ýok...

Bu göreş, ganly göreş,
nätdi bizi, Baýramgül?
Ýurdumyzy alyp, döşden
itdi bizi, Baýramgül!