Daýançsyz
Hans Hristian Anderseniň äheňinde
Başga hiç daýanjy ýok,
gaýraty ýok üstesine,
elbet, ýalana daýanar,
ýeňsesi açygam bolsa,
hemem ýalan saçak ýazyp,
çagyran bor ýalan toýa,
gyzylaja diýer doýdy,
a ýatana diýer oýa,
bagtly diýer betbagtlara,
bagt näme, unudan;
başga hiç daýanjy ýok,
guwanjy ýok üstesine,
ogurlyga daýanar,
hem guwanar aldanyna,
ýalanyny berip dolap,
daýanyp gara gylyja,
a gözi gorkan alaçsyz
donly diýer ýalaňaja...