Ýowşan Annagurban

Adalaty isleýän kän

Adalaty isleýän kän,
dileýän kän dünýäde,
emma onuň üçin orta
çykýan azlyk hemişe,
isleýänden kän esse,
hem adalat ýeňilýärkä,
basylýarka depesinden,
kakylýarka aýagna ýa
dykylýarka agzy onuň,
adalat üçin göreşýän,
orta çykan iň bolman,
ýüreginde ýagşy niýet,
sada ýa samsyk saýylar,
adalaty isleýän kän,
ýöne diýmäň göreşmeli,
gowusy getirsin ony
daýzalar ýa daýylar.