Çüý-çekiş urşy
“The nail that sticks out shall be hammered down.” Ýapon nakyly
Çüý kän çekiçden dünýede,
belki, ýüz esse, müň esse,
ujy ýiti, depesinde papagy,
emma çüýler çekijiň
depesinden bermez hiç,
kakylan ýerinde durmalydyr çüý,
çyksa ýa-da baş göterse çalaja
depesinden iner çekiç...
Geň ýeri, çüý-çekiç urşunda mydam
çüýler çüýe arka durmaz hiç haçan,
olar baş göteren çüýi ýazgarar,
urulmaly diýip borjundan gaçan.