Beýik we pes

Özüňden beýigi biraz
görmek hem saýgarmak üçin
biraz boýun süýndürmeli,
ýa bir kerpiç-beýleki
atmaly aýak astyna,
ýa çykmaly basgançaga,
ýa-da birniň üstüne,
ýa-da aklyň bolmaly,
dogabitdi, aňyrdan,
ýa-da mertlik gerek biraz,
özüňden beýigi basyp,
gykylyk, galmagal bilen,
ýa-da töhmet atyp ejiz,
naçary hakyna tutup,
beýik bolup bolmaýanyn bilmeli,
men diýsemem diýýän muny,
emmaki beýikler beýik,
pes pesligne ölmeli.