Iň hatarly iş

Ynanýardym ösüşe,
baýajagna ilimiň,
gündiz eliň çyraly
tapyp bolmaz garyby,
diýip göwün ýüwürderdim,
emma beýle bolar diýmändim asla,
aşa baý bolmagam gowy däl eken,
goýnun gyrkyp, asyrlardan aşyran,
düşek bolan, eşik bolan ýüňüni,
öý bolan ýüňüni göçüp-gonýarka,
sowukdan, yssydan goran,
ýere gömýän ýa-da zyňýan milletiň,
aklyň bolsa, aň atyna atlanyp,
hatar, belki, çekjek bolmak öňüni...