Aýdylmadyk söz
Ezize
Azmy meniň ýananlarym,
sen nämä ýanýarsyň, oglum?
Öý işini etmedige
peýdasy ýok seniň dowluň...
Dogry, iň ýokary baha
alyp bolar tanyş bilen,
ýa-da berim, peşgeş berip,
ýöne siňe baksak bile,
şundan gaýdýar gaýgy-elem,
derdi ulus iliň, meger,
sebäp durmuş depderçäňe
ikilik goýmaz-da, kütek
daş bolup maňlaýňa deger.
O daşy bilmedik bolup,
ýa sylmadyk bolup ganyň,
aýdym aýdyp bagt hakda,
halas edip bolmaz janyň.
Öý işini etmedige,
düşünmek kyn muňa, meger;
özüni aldanyň daşy
bizden soň özüne deger.