Geçilmejek diwar

Adam ýylmalmadyk çyny,
hakykaty gowy görmez,
iň bolmanda ýaýdanar,
çekiner ondan bialaç,
özi-de düşünmän, belki,
emma çyna garanda-da gelşiksiz,
ýüzügara ýalany,
owadan kagyza dolap,
ýa-da salyp gowja guta,
hemem dakyp oňatja at,
näçe gymmat satsalar-da puluny,
malyny gysganman alar,
hoşwagt bolar söwdasyna;
megerem çyndan, ýalandan
gorkmak beýle möhüm däl,
emma adamdan gorkmaly,
toýdur öýdende ýasyna...