Ham adam

Adam öz aýbyny açmak islese,
aýdaly, açlygyn ýalan şöhrata,
esasy ýok, binýady ýok, soňy ýok,
hemem hiç ýadamasa,
ýorulmasa, doýmasa,
lezzet alsa gözi gülli ýalandan,
açylsa ýaz bolup elin çarpana,
ynanasy gelýän boşlugna hemem
hakykaty unutmaga,
zäher ýaly ajy käte,
bar güýjüni goýsa, çünki,
nämemişin, çig süýt emen...

Adam öz derdine derman gözlemän,
diňe agyryny ýatyrjak bolsa,
aldajak bolsa özüni,
hem ynansa öz doguran ýalanna,
pesligini beýiklik deý güjeňläp,
ýalňyş duşman bilen dikleşse diňe,
hem ýykylyp soňsuz, uzak,
hakyky ýüzüni görkezse ile,
sebäp däl-de netije bu,
tersine işleýär hile.