Kyn görmäň

Men bendi, bendiwanlygmy,
Göwnüm gümanyn kyn görmäň!
Men azat, başym dumanly,
Başym dumanyn kyn görmäň!

Çüýrär diýmäň bendilikde,
Çüýremänimi kyn görmäň!
Biri gowşak, biri ökde,
Öwrenmänimi kyn görmäň!

Häki, ýöne gudrat bilen,
Ýer gögerer diýip bilmäň!
Sagym elem, solum elem,
Özgäň elemine gülmäň!

Gülmäň özgäň agysyna,
Başarsaňyz, ýaş sylyşyň!
Bermäň göwnüňiz gasyna,
Ii diýene daş salyşyp!..

Men bendi, bendiwanlygym,
Göwnüm gananyn kyn görmäň!
Ajalyň ajadyp gygyn,
Ölmän galanym kyn görmäň!