Gorkma
"Gorkanyň başyňa geler." Riçard Bah
Gorkma ölümden, gelmesin
ajal howlugyp yzyňdan,
başga zerur işin goýup,
ýaşa ýaşan günüň erkin,
seret dünýä aç däl, doýup,
gorkma aç galmakdan asla,
ýa ýalaňaç galmakdan,
ýykylmagyndan öýüň,
çünki başyňa gelmesin,
inmesin başyňdan töhmet,
ýa talaňçy hökümet,
diýmek, gorkma hökümetden,
ýa-da gorkma ilden artyk,
ilden artyk ýaýaplama,
sebäbi aýyp bolar soň,
çagaň üstüňden gülmesin.