Dünýe

Dünýe, köne dünýe, tärimi köne,
Dünýe, köne dünýe, köne dürdäne,
Şol öňki gök asman, şol öňki daglar,
Şol öňki bag-bossan, şol öňki suwlar,
Şol öňki adamlar, ýöreýän ýerden,
Şol öňki ak guwlar, uçýan ýokardan,
Tomazak tomazak durmuşy bilen,
Togalap, togarlap ýygnanyn, baryn,
Köne dünýe, köne gurluşy bilen,
Dikipdir göwsünden agajyn daryň...

Halka-halka ýüpün goýupdyr sallap,
Hala-ha jellat bol, hala-da jellap,
Hala oýunçy bol, hala-da çynçy,
Hala bir mysapyr, iň aýylganjy,
Syrylyp syrtmaga gelmeli bir gün,
Hem jähennem sary bolmaly sürgün...

Ýer öňki okundan aýlanýar irmän,
Gün ýaşýar, Aý dogýar hakyn gidermän.
Adamjyklar dogýar, aglaýar, gülýär,
Adamjykdan adam çykmajak bolýar...

Halallyga, belentlige, aklyga,
Barha, barha orun azalyp barýar.
Kämile, kereme, göwni päklige,
Barha, barha orun azalyp barýar.
Barha, barha, barha kiçelýär adam,
Barha, barha, barha daralýar dünýe,
Barha, barha, barha kütelýär ýadyň,
Barha, barha, barha çöňňelýär gözler...

Dünýe, köne dünýe, tärimi köne,
Dünýe, köne dünýe, köne dürdäne,
Şol öňki gök asman, şol öňki daglar,
Şol öňki bag-bossan, şol öňki suwlar,
Şol öňki adamlar, ýöreýän ýerden,
Şol öňki ak guwlar, uçýan ýokardan,
Tomazak tomazak durmuşy bilen,
Togalap, togarlap toplanyn, baryn,
Köne dünýe, köne gurluşy bilen,
Ýük bilipdir, meger, ýeňilin, agryn...

Dünýe, köne munuň düzgüni-dini,
Haýwanyň, ynsanyň ýetirip boýny,
Ininden, ýanyndan alypdyr dolap,
Düýnünden, müýnünden alypdyr dolap,
Dünýe, köne dünýe, aglap gelenler,
Gidip barýar hatar, barmagyn ýalap...