Atyňy ýeke çapma

Atyňy ýeke çapma,
hemem etme ata münen
atasyny tanamaz,
sebäbi her neneň gowy bolsa-da,
at diýilýän alyp gaçar birdenkä,
burnuna ýel düşüp, ürküp ýa gorkup,
ýolda ýatan ýylandan ýa içýandan,
hem giç bolar jylawyny çekerden,
bat alansoň göni ýolda,
at-eşekli aýrylan;
atyňy ýeke çapma,
ynanma özüňe aşa,
hemem kembaha garama
öwrümine ýollaryň,
her neneňsi gurat bol,
ýa-da gurgun bolsun atyň,
bilinýän zat ahyry
aty at edýänçä it bolýar adam,
kän-ä ata çykdym diýip,
pyýadany depeläp,
hemem gözi adam görmän,
at-şöhratdan maýrylan,
atyňy ýeke çapma,
hemem etme ata münen
watanyny tanamaz.

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019