Bu nähili sud bolýar?

Bu nähili sud bolýar,
bu neneňsi adalat?
Kazy kän, sanasaň barmagyň ýetmez,
garalawçy hatar-hatar, diwara
arkasyny ýaplap, garaşýar nobat,
gezek gelsin diýip, garalar ýaly,
emma ýeke aklawçy ýok,
goldawçy ýok birjigem,
ýa bolsa-da suda goýberilmeýär,
ýa gelmeýär özleri,
azan hökümete garşydaş bolsaň,
hiç kişi tapylmaz aralar ýaly.

Bu nähili sud bolýar,
bu neneňsi adalat?
Gyryň daşy garalawçy,
aklawçy ýok birjik-de,
ýa bolsa-da gaçypdyr,
ýatyr ýa-da towuk ketege sümüp,
başyn galdyryp bilmän,
sudy beýle bolan iliň
galyşyna haýran gutarman, ölmän.