Hakyky beýiklik
Kakam Bäşim Annagurbanyň ýadygärligine
Beýiklik il üçin ýapylan ýolda
tigir sürüp oýnamak däl,
at çapmak däl atdan düşürlen ile
göz edip, aýnap,
aýagyňa ýykmak däl
eli ak gülli, aňy
altyn jynjyra daňlan,
erksiz emeldarlary,
ýa-da garyp garrylary,
dili bagly, gözi bagly,
döwlet talaňyna perde etmek däl,
köşgi-eýwandan gaýdýan,
bilýän ýa-da aýdyp bilýän ýok diýip,
adam beýik bolmaz beýik diýdirip,
hem diýdirmän beýikdir,
garyp obasynda ýaşasa, ötse,
halal işläp, halal iýip.