"Görmez arkasy güýçli"
"If you think you have no problems, you just don't know what the hell is going on." Old saying
Bilmeýän has bagtly bolýar diýýärler,
bilenden, okandan, öwrenenden kän,
sebäbi ol bilmeýänin bilmeýär,
biljek bolup gynamaýar janyny,
bilýän bilýänini bilýär hem ýanýar
görmeýäne öňde duran çukury,
ýa gara diwary, galdyrlan bile,
hemem bilýänini getirip dile,
düşündirjek bolýar, emma bilmeýän
islemeýär düşünmek,
ýa kyn görýär düşünmegi, bilmegi,
hemem nirde agyr ýoly saýlaýar,
gara ýoly saýlaýar,
saýlaýar garaňky ýoly,
töwekgellikden doly,
bilmeýän has bagtly ölýär diýýärler,
sebäbi aňlaman gidýär
aglamaly ahwaly.