Ýowşan Annagurban

Sebäp we bahana

Ol garaşsyz bolup bizi,
goýun ýaly güýlüp atdy,
gyrkylyk alyp eline,
asla mälemesiz etdi,
gyrkdy gürlejek dilimiz,
depämize urup her gün,
süri edip gorpa itdi.

Ýaş nahaldyk,
ata-baba toprakda
boý aljakdyk, çynar ýaly ösjekdik,
emma ol öseni tapyp nirede
paltalady, pyçgy saldy düýbünden,
bölek-bölek etdi millet daragtyn,
göz edip dünýä, jahana,
şodur-şodur hiç sebäp däl,
gözleýäs diňe bahana.

27.10.15. Rockville, Maryland