Öýdäki pil

Bäbegem gundagda ýatan,
göreşýär möhümin bitirmek üçin,
aglaýar aç bolsa çyrlap,
ýa ýatmaýar sessiz öl bolsa asty,
hat-da dişläp ejesini emdirýän,
jeza berýär käte, bar ýaly kasty,
göwnünden turmasa edilýän hyzmat,
emma uly adam, haky iýilýän,
ezilýän ertirden agşama çenli,
çagalary aç oturan yzynda,
sesini çykaryp bilmeýär gorkup,
hemem arzuw edýär başga göreşse,
başga salsa gara başyn etege,
a men kölegede garaşsam, galsam,
eýe bolsam towuk doly ketege...